致敬癮

適逢今年係科特·高班 ( Kurt Cobain ) 逝世二十週年，各地傳媒都大肆宣揚，話要紀念下佢。特別係時裝傳媒，紛紛都以科特生前的造型做番幾個專題解構，總之乜都係「Kurt Cobain 著用」。

說到尾，其目的咪又係叫你買野。

但最奇怪係韓仔 基龍 ( G-Dragon )，點解佢會無咩特別攪作？好耐之前讀過佢有編訪問，當中佢講到自己嘅音樂，幾咁受到科特同涅槃樂團 ( Nirvana ) 所影響。但睇完心諗，Bigbang 明明係鳩 Rap 加跳老舞，點都同涅槃樂團嘅油蹟搖滾大纜都扯唔埋吧。

無他，咪又係想借人個朵扮有內涵。

不過，可能基龍本身有鋪「致敬癮」。記得有次見佢出衫，佢居然將美國加州崩克團 Black Flag 個 Logo，改都唔改，搬字過紙直出當自己野用。

哦，唔駛問，又係受佢地影響呀嘛。